The Curse: ဒီဇာတ်လမ်းတွဲရဲ့ သရုပ်ဆောင်တွေကတော့ အားလုံးရဲ့အသည်းကျော်ဖြစ်သလို ရိုက်သမျှရုပ်ရှင်အားလုံး မကောင်းတာမရှိတဲ့ Emma Stone ရယ်၊ နာမည်ကျော် Comedian နဲ့ သရုပ်ဆောင် Nathan Fielder တို့က သရုပ်ဆောင်ထားပါတယ်။ ဒါရိုက်တာနဲ့ ဇာတ်ညွှန်းဆရာကလည်း ဒီကားရဲ့မင်းသား Nathan Fielder နဲ့ Good Time တို့၊ Uncut Gems တို့လို နာမည်ကျော် ဘောင်ဝင်တန်းဝင် Crime Thriller တွေကို ရေးခဲ့ ရိုက်ခဲ့တဲ့ ဒါရိုက်တာ Benny Safdie ပါပဲ။ ဆိုတော့ ဒီစီးရီးဟာ အကောင်းစားစီးရီးတစ်ခုဖြစ်နေမှာ ပြေးကြည့်စရာမလိုပါဘူး။ ဒါပေမဲ့လည်း လူတိုင်းအတွက်တော့မဟုတ်ပါဘူး။
Nathan Fielder ဟာ Comedian ပီသစွာပဲ သူ့ဇာတ်လမ်းဟာ Comedy ကားလို့ နာမည်တပ်ထားပေမဲ့ ဒီကားက အဖြစ်အပျက်တွေ ဇာတ်လမ်းတွေက Comedy ကားလို့တောင် ထင်စရာရှိမနေပါဘူး။ ဒါလည်း Benny Safdie လက်ချက်ပါကောင်းပါမှာပေါ့ ကျွန်တော်တို့မသိနိုင်ဘူး။ မသိရင် ဒိုကူရိုက်ထားသလိုလိုကြီးပါပဲ။ ဒါပေမဲ့ Comedy မဖြစ်ဘူးလားဆိုရင်တော့ ဖြစ်တော့ဖြစ်နေတာပါပဲ… စိတ်ညစ်စရာ ကကျိုးကကြောင်အဖြစ်အပျက်တွေကြားမှာ ဟာသသွားဖြစ်နေတာပါ။ Black Comedy တွေရဲ့ အရသာကို ကြိုက်တတ်ရင်တော့ ဒီလိုဟာသတွေကို ခင်ဗျားကောင်းကောင်းကြီး သဘောပေါက်မှာပါ။ ကြိုက်မှာပါ။ Satirical Black Comedy ဖြစ်နေတော့ Black Comedy ကိုမှ သရော်လုံး ထေ့လုံးလေးတွေလည်း ပါနေဦးမှာပါပဲ။
ဒီကားနာမည်မှာပါတဲ့ ကျိန်စာဆိုတဲ့စကားလုံး ဖြစ်တည်လာတဲ့ပုံကလည်း ဘာမှမဟုတ်တဲ့ အဖြစ်ကလေးတစ်ခုကနေလို့ပြောရမှာပဲ။ ကလေးလေးတစ်ယောက်ကို ဗီဒီယိုထဲ ရိုက်ဖို့ ဒေါ်လာတစ်ရာတန်ပေးပြီးမှ များနေလို့ ပြန်ပေး ၂၀နဲ့လဲပေးမယ်လုပ်ရာက ကလေးက ကျိန်စာတိုက်လိုက်လို့ဖြစ်သွားတယ်ပြောရမှာပဲ။ ဘာမှတော့မဟုတ်နေပါဘူး။ ဒါပေမဲ့ ဇာတ်ကားထဲက အမ်မာစတုန်းစကားလိုပဲ မထော်မနန်းနဲ့ လုပ်ချင်တာတွေလုပ်လိုက်ပြီးရင် အဲဒီနောက်မှာ အကျိုးဆက်တစ်ခုခုတော့ ရှိကိုရှိနေရမှာပါပဲ။ မရှိနေလို့ကိုမဖြစ်ပါဘူး။ အဲဒီအကျိုးဆက်ကိုတော့ ဒီပထမပိုင်းမှာ အရိပ်အမြွက်လောက်ပဲ ပြသွားသေးပေမဲ့ နောက်အပိုင်းတွေ ဘာတွေဆက်ဖြစ်လာဦးမလဲ စိတ်ဝင်တစားစောင့်ကြည့်ရမှာပါ။ ဝုန်းခနဲဒိုင်းခနဲထဖြစ်တာမျိုးလည်း မဟုတ်လို့ တော်တော်လေး အငြိမ်ဆန်ပြီး တစိမ့်စိမ့်ကြည့်တတ်ရင် အရသာရှိမယ့် ဟာသစီးရီးစစ်ပေမဲ့ ဟာသစီးရီးမဆန်တဲ့ဟာသစီးရီးပါပဲ။ ဒိုကူရိုက်နေသလားမှတ်ရတဲ့အခန်းတွေများတာမို့ လူတိုင်းအကြိုက်တွေ့ဖို့တော့ ခက်ပါလိမ့်မယ်။ ဒါပေမဲ့ ဒီအခြေအနေကို သည်းခံကြည့်ပြီး အဲဒီအခြေအနေကနေ လွန်သွားတဲ့အခါမှာတော့ ခင်ဗျားမြင်ရမှာကတော့ ဇွတ်ဇတ်တွေထိုးထည့်မနေတဲ့ သူ့ဖလိုးနဲ့သူသွားနေတဲ့ တငြိမ့်ငြိမ့်ကြည့်ကောင်းတဲ့ စီးရီးတစ်ခုကိုပါပဲ။ Cast, Creator, Writer အကုန်ကောင်းပြီး တငွေ့ငွေ့ချင်းနဲ့မှ အရသာပေါ်ပြီး ဒါကြည့်ဒါကြည့် အတင်းထိုးထည့်မနေတဲ့ စီးရီးတွေကို ကြိုက်တတ်ရင်တော့ ဒီစီးရီးက ခင်ဗျားအတွက်ပါပဲ။
Whitney and Asher Siegel are a newlywed couple struggling to bring their vision for eco-conscious housing to the small community of Española, New Mexico. But their efforts are complicated when an eccentrically flawed reality TV producer, Dougie, sees opportunity in their story. As the series unfolds, the couple find themselves caught in a mysterious web of ethical and moral gray zones – all while trying to keep their relationship afloat.
