Squad 38: ဇာတ်လမ်းပုံစံ ခပ်လန်းလန်းလေးမို့ ပရိတ်သတ်ကြီးကို အကြိုက်တွေ့စေမှာပါ။
သရုပ်ဆောင်တွေကတော့ အက်ရှင်မင်းသားကြီး Mar Dong-Seok၊ မင်းသားချောလေး
Seo In-guk၊ Idolလည်းဖြစ် သရုပ်ဆောင်တစ်ယောက်လည်း ဖြစ်တဲ့ Choi Soo-youngတို့က အဓိက ပါဝင်ထားပါတယ်။
ဇာတ်လမ်းအညွှန်း
ဘဲ့ဆောင်းအီ(Mar Dong-Seok)က အကောက်ခွန်ရုံးမှာ တာဝန်ထမ်းဆောင်နေသူ
တစ်ဦးဖြစ်ပြီးတော့ အထက်လူကြီးတွေကို လာဘ်ထိုးပြီး ပမာဏများတဲ့ အခွန်တွေကို ပေးဆောင်ဖို့
ရှောင်နေတဲ့သူတွေကို မနှစ်မြို့တဲ့သူတစ်ယောက်ပါ။
ယန်းဂျောင်းဒို(Seo In-guk)ကတော့ ကျွမ်းကျင်လူလိမ်တစ်ယောက်ဖြစ်တယ်။
လူတွေကို လိမ်လည်ပြီး ရိုက်စားလုပ်ရတာက သူ့အတွက်တော့ ထမင်းစား ရေသောက်လိုပါပဲ။
လာဘ်ထိုးပြီး အခွန်ရှောင်နေတဲ့သူတွေကို ဘဲ့ဆောင်းအီအနေနဲ့ သမရိုးကျလုပ်ရိုးအတိုင်းပဲ
ဆက်ပြီး လုပ်လို့ မရတော့တဲ့အဆုံး ယန်းဂျောင်းဒိုရဲ့လူလိမ်အဖွဲ့နဲ့ ပူးပေါင်းဖို့ ဖြစ်လာတော့တယ်။
ဥပဒေကို ကာကွယ်ထိန်းသိမ်းဖို့ လုပ်ဆောင်နေတဲ့ အစိုးရဝန်ထမ်းနဲ့ ဥပဒေကို ချိုးဖောက်ပြီး
လုပ်စားနေတဲ့ လူလိမ်တို့ရဲ့ပူးပေါင်းဆောင်ရွက်မှုက အောင်မြင်ပါ့မလား။
ဘဲ့ဆောင်းအီနဲ့ယန်းဂျောင်းဒိုတို့က အခွန်ပေးဆောင်ဖို့ ရှောင်နေတဲ့သူတွေအပေါ်
ဘယ်လိုမျိုး ငွေတွေကို လိမ်လည်ပြီး ရယူသွားမလဲ။
မထင်မှတ်ထားတဲ့ အပြောင်းအလဲတွေကြား ဘယ်လိုအကွက်တွေ
ရွှေ့သွားမလဲဆိုတာ စိတ်ဝင်စားဖွယ် ကြည့်ရှူရမှာပါ။အလိမ်အခိုးအဝှက် ပရိယာများတဲ့
စီးရီးတွေကြိုက်တဲ့သူတွေကြည့်သင့်ပါကြောင်းဗျို့…
