Showtime: သုံးကားမြောက်တိုက်ဂါးရုပ်ရှင်မှာ ဗီလိန်သရုပ်ဆောင်အဖြစ် ပါဝင်ခဲ့တဲ့
မင်းသား အင်မရန်းနဲ့ ရုပ်သံဇာတ်လမ်းတွဲမင်းသမီးချော မဟီမာတို့ပါဝင်ထားတဲ့
ဘောလိ၀ုဒ်အရှုပ်တော်ပုံကို ဇာတ်လမ်းဆင်ရိုက်ကူးထားတဲ့ စီးရီးလေးကို တင်ဆက်ပေးလိုက်ပါတယ်။
လောကဇာတ်ခုံလို့ ဆိုကြသလိုပဲ ပညာရပ်နယ်ပယ်အသီးအသီးမှာ အရှုပ်တွေ
အပြိုင်အဆိုင်တွေ နားမလည်နိုင်စရာတွေ ပွစာတက်နေတာက ဓမ္မတာပဲဆိုပေမဲ့
အနုပညာလောကကတော့ ပိုမိုရှုပ်ထွေးနက်နဲတယ်လို့ ဆိုကြတယ်။
အောင်မြင်တဲ့ အသီးအပွင့်ဆိုတာကလည်း မူးယစ်စွဲမက်စေတတ်တဲ့အရာတစ်ခုမို့ အောင်မြင်မှုအပေါ်မှာ
ယစ်မူးရင်း နေရာဖယ်မပေးချင်မှုတွေ အဆင်းမှာ ဘီးအကြီးကြီးတပ်ပေးကြတဲ့
ဘောလိ၀ုဒ်ရုပ်ရှင်လောကရဲ့ နောက်ကွယ်က အဖြစ်အပျက်တွေကို အခြေခံပြီး ရိုက်ကူးထားတယ်လို့ဆိုပါတယ်။
ဒီမှာတော့ နှစ်ပေါင်းလေးဆယ်တိုင်တိုင်အောင်မြင်မှုရယူထားတဲ့
ရုပ်ရှင်စတူဒီယိုကြီးတစ်ခုကနေစတည်လိုက်တဲ့ဇာတ်လမ်းကနေ
ဒါရိုက်တာ ပရိုဂျူဆာ မင်းသားမင်းသမီး အဆိုတော် စတဲ့
ရုပ်ရှင်အနုပညာလောကက နားမလည်နိုင်စရာတွေကို
နားရည်လည်ဖို့ ခံစားကြည့်ရှုကြပါဦး။
