20,000 Species of Bees : ကားနာမည်ကို ဒီတိုင်းကြည့်ရင် ပျားမျိုးစိတ်တွေအကြောင်းများ ရိုက်ထားတာလားလို့ ဇဝေဇဝါဖြစ်သွားနိုင်ပေမဲ့ တကယ်တမ်း ဒီဇာတ်ကားလေးကတော့ IMDB 7/10 ရရှိထားတဲ့ မိဘနဲ့ သားသမီးအကြား နားလည် လက်ခံပေးမှုတွေကို အဓိက ဖော်ကျူးထားတဲ့ စပိန် Drama ကားလေးပါ။ဘာလင်ရုပ်ရှင်ပွဲတော်နဲ့ တခြားရုပ်ရှင်ဆုပေးပွဲတွေမှာ ဆုပေါင်း ၃၄ ဆုအပြင် nomination ၅၃ ခု ဝင်ခဲ့တာဖြစ်ပြီး အဓိကသရုပ်ဆောင်လေး Sofía Otero ဟာလည်း ၈နှစ် အရွယ်လေး အိုင်တောရဲ့ ခံစားချက်တွေကို ပီပြင်အောင် သရုပ်ဖော်နိုင်ခဲ့တာမို့ အကောင်းဆုံး အဓိကဇာတ်ဆောင်ဆုတွေ ရရှိခဲ့ပါတယ်။ လူတွေက ကိုယ့်ရဲ့တည်ရှိမှုကို ဘယ်အသက်အရွယ်မှာ စတင် သတိထားမိလာပါသလဲ။ ကိုယ်က အဖြူရောင်ကြိုက်တာလား၊ အမည်းရောင်ကြိုက်တာလား။ ဆံပင်အတိုကြိုက်တာလား၊ အရှည်ကြိုက်တာလား။ စတဲ့ ရွေးချယ်နိုင်မှုတွေ မဟုတ်ဘဲ ကိုယ့်ရဲ့တည်ရှိမှု အစစ်အမှန်ကို သတိထားလာမိတဲ့အရွယ်က ပျမ်းမျှ ဘယ်အရွယ်လောက်များလဲ။ဒီဇာတ်ကားထဲက အိုင်တောဆိုတဲ့ အဓိကဇာတ်ကောင်လေးကတော့ သူက ရွယ်တူတခြားကလေးတွေလို မဟုတ်ဘူးဆိုတာကို ၈ နှစ်အရွယ်မှာ သတိထားမိခဲ့ပါတယ်။ အိုင်တောရဲ့အမေဖြစ်သူ အန်နီကတော့ စားဝတ်နေရေးအတွက် လုံးပန်းနေရလို့ အလုပ်တွေရှုပ်နေခဲ့ပြီး အဖေဖြစ်သူကတော့ အိုင်တောထက် သူ့အစ်ကို အယ်နဲကိုကို အချစ်ပိုသူပါ။ တစ်ရက်မှာတော့ အိုင်တောတို့မိသားစုက တခြားမြို့က ပျားမွေးမြူရေးလုပ်တဲ့ သူတို့အမျိုးတွေဆီ နွေရာသီ အလည်သွားကြရင်းနဲ့မှ အိုင်တောလေးက သူ့ဘဝရဲ့ တည်ရှိမှု အစစ်အမှန်ကို ရှာဖွေတွေ့ရှိခဲ့ပါတော့တယ်။ အရွယ်နဲ့မမျှအောင် ဝန်ထုပ်ဝန်ပိုးတွေကို ထမ်းပိုးထားရတဲ့ အိုင်တောလေးခမျာ ရွယ်တူကလေးတွေလိုလည်း မပျော်နိုင်ဘဲ တမှိုင်မှိုင် တတွေတွေပဲ ဖြစ်နေပါတော့တယ်။
ကိုယ်မွေးထားတဲ့ သားသမီးမို့ သူ့ရဲ့တည်ရှိမှုလေးအတိုင်း လက်ခံပေးနိုင်ပေမဲ့ ပတ်ဝန်းကျင်ရဲ့ အမြင်တွေ၊ အကြည့်တွေကို ကြောက်ရွံ့မိသူ အန်နီက အိုင်တောကို အသိအမှတ်ပြုပေးနိုင်မှာလား၊ အိုင်တောရဲ့အဖေကရော သူ့ရဲ့မတူထူးခြားမှုကို နားလည် လက်ခံပေးနိုင်ပါ့မလား ဆိုတာကိုတော့.. (ဒီဇာတ်ကားရဲ့ အညွှန်းနဲ့ ဘာသာပြန်ကတော့ Emily ပါ)
During a summer in a village house linked to beekeeping, an eight-year-old and her mother experience revelations that will change their lives forever.
