Ultraman: Rising – Netflix က ရိုက်ကူးထားတဲ့ ကျွန်တော်တို့ရဲ့ ငယ်ဘဝစူပါဟီးရိုး Ultraman animated ဇာတ်ကားပဲဖြစ်ပါတယ်။ ကျွန်တော်တို့ရဲ့ ငယ်ဘဝ Ultraman ကို
မြင်နေကျ တိုက်ခိုက်တာချည်းပဲ မဟုတ်ဘဲလူကြီးဆန်ဆန် family drama လေးနဲ့ပါ တွဲထားတာမို့ဒါက ကလေးကားလို့တောင် မခေါ်နိုင်ပါဘူး။ဇာတ်လမ်းလေးကို ပြောရရင်တော့ Ken Sato ဆိုတဲ့ကျွန်တော်တို့ရဲ့ အဓိက ဇာတ်ကောင်က အိုလာတဲ့သူ့အဖေအရင် Ultraman နေရာကို ဝင်ဖို့အတွက် သူ ဘေ့စ်ဘောနဲ့အောင်မြင်နေတဲ့ အမေရိကန်ကနေ ဂျပန်ကို ပြန်လည်ပြောင်းရွှေ့အခြေချခဲ့ပါတယ်။ သူ ဂျပန်ပြန်ရောက်လာတဲ့အချိန်မှာ သူ့ရဲ့ Ultraman တာဝန်၊ ဘေ့စ်ဘောပရော်ဖက်ရှင်နယ်ကစားသမားတစ်ယောက်ရဲ့ တာဝန်တွေပိနေတဲ့အချိန်မှာပဲ မထင်မှတ်ထားတဲ့ မိသားစုတာဝန်တွေပါရောက်လာတဲ့အခါမှာ သူ ဘယ်လို ဒီတာဝန်တွေကြားရုန်းကန်ရမလဲ။ အဆုံးသတ်မှာ သူ့အတွက် ဘယ်လိုဇာတ်သိမ်းမှာလဲ။ သူ့ရဲ့ မိသားစုဝင်တွေ မိတ်ဆွေတွေကရောဘယ်လို ကူညီစောင့်ရှောက်ပေးနိုင်မှာလဲ စတာတွေကိုအရမ်းမိုက်တဲ့ animation style နဲ့ ကြည့်ရမှာပဲ ဖြစ်ပါတယ်။ငယ်ငယ်က nostalgic feeling လေးပြန်ရဖို့ ကြည့်လိုက်ကြရအောင်နော်….
Ken Sato, a superstar baseball player who returns to Japan to become the latest hero to carry the mantle of Ultraman. His plans go awry, however, when he is compelled to raise a newborn kaiju monster the offspring of his greatest enemy as his own child. Sato will also have to contend with his relationship with his estranged father and the schemes of the Kaiju Defense Force.
