Watch The Whistleblower HD Myanmar Sub

The Whistleblower 2014သုတေသနဓါတ်ခွဲခန်းတစ်ခုကနေ အလုပ်ထွက်လာတဲ့ သုတေသီတစ်ဦးက သတင်းသမားတစ်ယောက်ကို ဒီစကားပြောခဲ့ပါတယ်။
“ကျွန်တော့်မှာ ဘာသက်သေမှ မရှိပါဘူး
ဒီလိုဆိုရင်တောင် ကျွန်တော့်စကားကို ယုံပေးမလား”
2005 ခုနှစ်တုန်းက တောင်ကိုရီးယား သုတေသနပညာရှင်တစ်ဦးနဲ့ သူ့ရဲ့ လုပ်ကြံဖန်တီးမှုတွေအပြင်
ဖော်ထုတ်ခံလိုက်ရတဲ့ အမှန်တရားဇာတ်ကွက်အားလုံးကို တစ်ပုံစံတည်း ရိုက်ကူးထားတဲ့ ဖြစ်ရပ်မှန် ဇာတ်လမ်းလေးကို တင်ဆက်ပေးချင်ပါတယ်။ဒီရုပ်ရှင်မှာ ဇီဝနည်းပညာဘာဘာသာရပ်နဲ့ သက်ဆိုင်တဲ့ အသိပညာဗဟုတုတတွေကို ထည့်သွင်းထားတဲ့အပြင် မျက်မှောက်ခေတ်မှာ တွေ့နေရတဲ့
ဆေးပညာသစ်တွေနဲ့ လက်တွေ့စမ်းသပ်မှု ပြုလုပ်လာကြတဲ့အပေါ် အမှားနဲ့အမှန်ကို သေချာပိုင်းခြားတတ်ဖို့ ပညာပေးထားတာကိုပါ ခံစားမိမှာပါ။ပင်မဆဲလ်ပုံတူပွားယူခြင်းဆိုင်ရာ စာတမ်းတစ်ခုကို ပြင်ဆင်ခဲ့ပြီး ကမ္ဘာတစ်ဝှမ်းလုံးရဲ့ စိတ်ဝင်စားမှုကို ရရှိထားတဲ့ ပါမောက္ခတစ်ဦး။
ကုသလို့မရနိုင်တဲ့ ရောဂါကိုခံစား‌နေရတဲ့ လူနာတွေအတွက် ပင်မဆဲလ်အစားထိုးကုသမှုက
မျှော်လင့်ချက်လိုဖြစ်နေတဲ့အတွက် နိုဘယ်ဆုရှင်အဖြစ်ပါ သတင်းထွက်နေတဲ့ ပါမောက္ခပါ။
ဒိတ်ဒိတ်ကြဲ ပါမောက္ခကြီးရဲ့ ဒီဇီဝနည်းပညာဟာ ထင်ထားသလောက် မရိုးရှင်းပါဘူး။
နောက်ကွယ်မှာ ဖုံးကွယ်ထားတဲ့ အမှန်တရားတွေက ရှိနေပါတယ်။
ဒါကို လက်မခံနိုင်တဲ့ သုတေသီတစ်ဦးက သက်သေအခိုင်အမာမရှိတဲ့အတွက် မတတ်နိုင်တဲ့အဆုံး
အမှန်တရားမှန်သမျှကို အတွင်းကျကျ ဖော်ထုတ်တဲ့ ပရိုဂရမ်တစ်ခုရဲ့ ပီဒီဆီကို ဆက်သွယ်လာပါတော့တယ်။
နိုင်ငံတကာကပါ ဩချရတဲ့ ပါမောက္ခအီဂျန်ဟွမ်ရဲ့ စာတမ်းနောက်ကွယ်က အမှန်တရားတွေကို
တစ်ခုချင်း ဖော်ထုတ်အဖြေရှာသွားမယ့် စိတ်ဝင်စားစရာဇာတ်လမ်းကောင်းလေးပါ။ပါဝင်သရုပ်ဆောင်ထားကြတဲ့ သရုပ်ဆောင်တွေကတော့ လူတိုင်းနဲ့ မစိမ်းတဲ့ နာမည်ကြီးတွေပါပဲ။– ဂုဏ်သိက္ခာကျဆင်းစေတဲ့ လုပ်ရပ်ကို ဆက်မလုပ်နိုင်လို့ ထွက်လာခဲ့တဲ့ ရှင်းမင်ဟိုအဖြစ် မင်းသား Yoo Yeon Seok
– အမှန်တရားကို ပိုက်စိပ်တိုက်ရှာရင်း ဖော်ထုတ်မယ့် ပီဒီယွန်းမင်ချောလ်အဖြစ် မင်းသားPark Hae Il
– ဇာတ်ကို ကြိုးကိုင်ချယ်လှယ်မယ့် ပါမောက္ခအီဂျန်ဟွမ်အဖြစ် မင်းသားကြီး Lee Kyung Young တို့အပြင်
ထူးချွန်တဲ့သရုပ်ဆောင်တွေနဲ့ အားဖြည့် ရိုက်ကူးထားတဲ့ ရုပ်ရှင်ပဲဖြစ်ပါတယ်။အညွှန်း နဲ့ ဘာသာပြန်ကတော့ Milkeux ပဲ ဖြစ်ပါတယ်။

“This film is based on the true story of disgraced Korean researcher whose unethical practices were exposed after he received critical alarm for good work.” — Screen Red