Nocturnal Animals (2016)IMDb Rating (7.6) / Rotten Tomatoes (74%)မင်းသား Jake Gyllenhaal နဲ့ Aaron Taylor-Johnson , ရုပ်ချင်းခပ်ဆင်ဆင် မင်းသမီးနှစ်ယောက်ဖြစ်တဲ့ Amy Adams နဲ့ Isla Fisher စတဲ့သရုပ်ဆောင်တွေနဲ့
Psychological Thrillers အမျိုးအစား ရင်ဘတ်ထဲက ၃ ၄ ရက်ခန့် ထုတ်မရဆိုတဲ့ ရုပ်ရှင်ကားကြီးပါ။ဇာတ်လမ်းက အစမှာ ရွံစရာကောင်းတဲ့ စိတ်မသက်မသာအခန်းတွေနဲ့စလာပါမယ်…ပြီးရင်တော့
ထိုင်ရာမထဆွဲခေါ်သွားမယ့် ဇာတ်လမ်းဇာတ်ကွက်တွေနဲ့ အဆုံးမှာတော့ ရင်ဘတ်ထဲက ထုတ်မရ အတွေးတွေများသွား။အနုပညာ ပြခန်းတခန်းကနေ ဆူစန် (သူဌေး) စထွက်လာတာကနေစတယ်
သူမ အိမ်ကို ရောက်သွားတယ် သူမ မအိပ်ဖြစ်တာ အတော်ကြာနေတဲ့ ပုံပါပဲ…
ထူးထူးခြားခြားသူမဆီကို ပါဆယ်တစ်ခု ရောက်နေလို့ တိပ်တွေကို လျင်လျင်မြန်မြန် ဆွဲဖွင့်တဲ့အခါ
စက္ကူသားကြောင့် လက်ရှသွားပြီး ဝန်ထမ်းတစ်ယောက်ကိုဖွင့်ခိုင်းပြီး စာကို ဖတ်ခိုင်းတဲ့အခါ
သူမ ယောင်္ကျားဟောင်း အက်ဝဒ် မှ ဆူစန် ဖတ်ဖို့ ဝတ္တုစာမူကြမ်းကို ပေးပို့ပေးလိုက်တာပါ…အလုပ်ပိတ်တဲ့ ဒီတစ်ပတ်မှာ သူမ လက်ရှိ ယောင်္ကျားနဲ့ အပန်းဖြေ ခရီးထွက်ချင်နေပေမယ့်
ခြေလှမ်းတွေ ပျက်နေတဲ့ ယောင်္ကျားဖြစ်သူဟာ ဆူစန်အနားမှာ ရှိမနေခဲ့ပါဘူး…
၁၉ နှစ်ကျော် ကြာအထိ သူမ နဲ့ အဆက်အသွယ် မလုပ်ခဲ့တဲ့ ခင်ပွန်းဟောင်းဖြစ်သူ အက်ဝဒ်ရဲ့ဝတ္တုစာအုပ်မူကြမ်းကို
စိတ်လိုလက်ရဖတ်ဖို့မရှိပေမယ့် တစ်ယောက်ထဲ ဖြစ်နေတဲ့ အချိန်မှာတော့ သူမဟာ စာအုပ်ကို ကိုင်ဆွဲပြီး အိပ်ရာထက်ဝင်ခဲ့ပါတော့တယ်…(စာအုပ်ထဲက ဇတ်လမ်း)
ဟေးစတင်းဟာ သူ့ မိန်းမ လော်ရာ နှင့် သမီးဖြစ်သူ အင်ဒိယတို့ကိုခေါပြီး တက္ကဆက်ပြည်နယ်မြောက်ပိုင်းဘက်သို့
မိသားစု ၃ ယောက်ထဲ ကားမောင်းပြီး ထွက်လာပါတယ်…
တက္ကဆက် မြောက်ပိုင်း အဝေးပြေး လမ်းမဟာ လူပြတ်ပြီး ဖုန်းလိုင်းမမိတဲ့ နေရာလဲ ဖြစ်ပါတယ်….
ဒီလိုနဲ့ ကားမောင်းလာနေရင်း ဟေးစတင်းတို့ ကားကို အမူးသမား တစ်ချို့မှ ဘေးတိုက် ဆွဲချပြီးပြသနာရှာခဲ့ပါတယ်…ဟေးစတင်းက တားဆီးနေတဲ့ကြားက သူ့မိန်းမ နဲ့ သမီး ကို အမူးသမားတွေမှ ကားပေါ်ချုပ်တင်ပြီး ခေါ်သွားခဲ့ပါတယ်
သူ့ကိုလဲ ကားတစ်စီးဖြင့် ခေါ်သွားရာမှ လမ်းမှာ ထွက်ပြေးလွတ်မြောက်ခဲ့ပါတယ်…
ဒါပေမယ့် မိန်းမ နဲ့ သမီးအပေါ် ပူပင်နေတဲ့ သူ့စိတ်က ရေမြေအဆုံး လိုက်ရှာဖို့ပဲ အားသန်နေခဲ့ပါတော့တယ်….(စာအုပ်အချ)
ဆူစန် စိတ်တွေ ဂယောင်ချောက်ခြားဖြစ်သွားခဲ့တယ် စာအုပ်ထဲက ဟေးစတင်း နေရာမှာ သူရောက်သွားသလိုပဲ
သူမ နှလုံးသားသည်လဲ ဟေးစတင်း နှင့် ထပ်တူ နာကျင်ခံစားလိုက်ရတယ်….
စာအုပ်ကို ဆက်လဲ ဖတ်ချင်တယ် ဟေးစတင်း ဘာဆက်ဖြစ်မလဲ သိချင်နေပေမယ့်
ဖြစ်လာမယ့် အရာကိုလဲ သူမ ကြိုတွေးနေမိခဲ့တယ်…
ဒီလိုနဲ့ စာအုပ်ကို ဆက်ဖတ်ဖြစ်ခဲ့ပါတယ်…
စာအုပ်နာမည်ကတော့
” Nocturnal Animals ”ဒီစာအုပ်ကို ဖတ်နေတဲ့ ဆူစန်ရဲ့ ဇာတ်လမ်း တစ်ခု ရယ်
စာအုပ်ထဲက ဇာတ်ကောင် ဟေးစတင်းရဲ့ မိန်းမပျောက် သမီးပျောက် ရှာပုံတော်
ဇာတ်လမ်း ၂ ခု ဟာ သင့်ကို ထိုင်ရာက မထစတမ်း ဆွဲဆောင်သွားမယ့် ရုပ်ရှင်ကားကောင်းတစ်ခုဆိုတာညွှန်းဆိုလိုက်ပါရစေ…(ရုပ်ရှင်အညွှန်းကို Thit San Khant မှ ရေးသားပြီး ဘာသာပြန်ကို Htet Wai Lwin မှ တင်ဆက်ထားပါတယ်။)
A “story inside a story,” in which the first part follows a woman named Susan who receives a book manuscript from her ex-husband, a man she left 20 years earlier, asking for her opinion. The second element follows the actual manuscript, called “Nocturnal Animals,” which revolves around a man whose family vacation turns violent and deadly. It also continues to follow the story of Susan, who finds herself recalling her first marriage and confronting some dark truths about herself.
