Little Manhattan : အချစ်ဦး မြေးဦးရတဲ့ထိ မမေ့ဘူးဆိုတဲ့ စကားလေး ဘရားသားတို့ ကြားဖူးမှာပါ။ အများစုကတော့ ကြားဖူးရုံတင်မကဘူး၊ ကြည်နူးမှုတွေ နာကျင်မှုတွေ ရောပြွန်းပြီးတော့ ရင်ဘတ်ကြီးတစ်ခုလုံးနဲ့ သိခဲ့ကြမှာပါ။ အခုချိန်ထိလည်း နှလုံးသားရဲ့ အနက်ရှိုင်းဆုံး တစ်ထောင့်တစ်နေရာမှာ လွမ်းဆွတ်တသနေမယ့် အချစ်မျိုးပေါ့။ ကဲ စကားမရှည်တော့ဘူး။ဇာတ်လမ်းအကျဉ်း
ဆယ်နှစ်သားလေး ဂေ့ဘ်ဟာ မိဘတွေ ကွာရှင်းတော့မယ့်အခြေအနေကြောင့် စိတ်ညစ်ရတာကလွဲလို့ ပုံမှန် ဆယ်ကျော်သက်ဘဝကို ပျော်ပျော်ပါးပါး အပူအပင်ကင်းကင်း ဖြတ်သန်းနေတဲ့ ကောင်လေးတစ်ယောက်ပါ။ တစ်နေ့မှာ ဂေ့ဘ်ဟာ မိဘတွေကို ကရာတေးအတန်းကို ပူဆာတဲ့အချိန်မှာ သူ့မိဘတွေက ဂေ့ဘ်စိတ်ချမ်းသာဖို့ အတန်းအပ်ပေးလိုက်ရာကနေ ကရာတေးအတန်းကို သွားတက်တဲ့အခါမှာ သူလေးငါးနှစ်သားအရွယ် ကလေးဘဝက ကစားဖော် ကစားဖက် ကောင်မလေးဖြစ်တဲ့ ရိုစ့်မယ်ရီနဲ့ ပြန်ဆုံတွေ့ရပါတော့တယ်။
အစကတော့ သူ့ထက် တစ်နှစ်ကြီးတဲ့ ရိုစ့်မယ်ရီအပေါ်ထားရှိတဲ့ ခံစားချက်က ပုံမှန်အတိုင်းဆိုပေမယ့် သူတို့နှစ်ယောက် ကရာတေးလေ့ကျင့်ဖော် လေ့ကျင့်ဖက်ဖြစ်လာပြီး ခဏခဏ တွေ့ဖြစ်တဲ့အခါမှာ သူတို့နှစ်ယောက်ရဲ့ ခံစားချက်တွေက စတင်ပေါက်ဖွား အမြစ်တွယ်လာပါတော့တယ်။ ဒါပေမဲ့ ရိုစ့်မယ်ရီရဲ့ မိဘတွေက ရိုစ့်မယ်ရီရဲ့ ဘဝအတွက် အစစအရာရာ လမ်းကြောင်းချမှတ်ထားပြီးဖြစ်ပြီး နွေရာသီစခန်းသွားရမယ် ပြီးရင် ဘော်ဒါနေရတော့မယ်ဆိုတဲ့အချိန်မှာ သူတို့နှစ်ယောက်ကြားမှာ ဖြစ်တည်လာတဲ့ ခံစားချက်ကို အချင်းချင်းသိအောင် ဖွင့်ပြောနိုင်ပါ့မလား၊ သူတို့ နီးစပ်သွားကြမှာလား ဝေးကွားသွားကြမှာလားဆိုပြီး မသေချာ မရေရာ ငယ်ရွယ်လှတဲ့ ဆယ်ကျော်သက်အချစ်လေးကို ပြန်လည်ခံစားကြည့်ရှုရမှာဖြစ်ပါတယ်။
In Manhattan, 10-year-old Gabe finds his first love when he meets his former kindergarten mate, eleven-year-old Rosemary, in his karate classes. Confused with his new feelings and with the divorce process of his beloved parents, Leslie and Adam, he experiences the delightful unknown sensation of being in love for the first time. Written by Claudio Carvalho, Rio de Janeiro, Brazil
