Zorro: အမေရိကန်ရဲ့ ပထမဆုံး စူပါဟီးရိုးဖြစ်တဲ့ ဇောရိုး စီးရီး ထွက်လာပါပြီ။
1920 ကတည်းက ကျော်ကြားခဲ့တဲ့ စပိန် မျက်နှာဖုံးစွပ် သူရဲကောင်း
ဇောရိုးအကြောင်းကို စီးရီးအနေနဲ့ အသစ်ရိုက်ကူးထားတဲ့ စပိန်ဇတ်လမ်း
တွဲအသစ်ဖြစ်ပါတယ်။ အပိုင်း ၁၀ ပိုင်းပါဝင်ပါတယ်။ ဇောရိုးဟာ စပိန်
ဘာသာနဲ့ဆိုရင်မြေခွေးလို့အဓိပ္ပါယ်ရပါတယ်။ ဇောရိုးဟာ ယနေ့ခေတ်
စူပါဟီးရိုးတွေရဲ့ ရှေ့ဆောင်လမ်းပြလိုဖြစ်ခဲ့ပြီး ဘတ်မန်းဟာ ဇောရိုးထွက်
ပြီး နှစ်နှစ်ဆယ်ကြာမှထွက်ခဲ့တာပါ။ 1998 ရုပ်ရှင်ကတော့ လူသိအများဆုံး
ဗားရှင်း ဖြစ်ပါလိမ့်မယ်။ မြင်းနက်ကြီးနဲ့ ဝတ်ရုံနက်ကြီး တလွှားလွှားနဲ့ ဓား
တစ်ချောင်းကိုင်ရင်း ဆင်းရဲသူတွေကို ကာကွယ်ပြီး လူယုတ်မာသူဌေးတွေနဲ့
အကျင့်ပျက်အရာရှိတွေကို ဆုံးမတတ်တဲ့ သူရဲကောင်းပါပဲ။ ဇောရိုးဆိုတာ
တစ်ယောက်တည်းရှိခဲ့တာမဟုတ်ဘဲ ဝတ်ရုံနောက်ကွယ်မှာ တစ်ယောက်ပြီး
တစ်ယောက် ဆက်ခံသွားတဲ့ ဓလေ့ရှိခဲ့တာပါ။ ဒီစီးရီးမှာ ဇောရိုးနေရာက
Elite စီးရီးရဲ့ နာမည်ကျော် Guzmán Nunier သရုပ်ဆောင် Miguel Bernardeau
ပါဝင်ထားပါတယ်။
ဇာတ်လမ်းအကျဉ်း –
——————
ခြံရှင်သူဌေးကြီး အလက်ဟန်ဒရို ဒယ်လာဗယ်ဂို လုပ်ကြံခံရတဲ့ညမှာပဲ ဇောရိုး
လည်း သေဆုံးသွားခဲ့ပါတယ်။ တရားဝင်သတင်းအရတော့ ဇောရိုးဟာ အလက်
ဟန်ဒရိုကိုလုပ်ကြံပြီး ထွက်ပြေးသွားခဲ့တာပါ။ လုပ်ကြံခံရတဲ့ အလက်ဟန်ဒရိုရဲ့သား
ဒီရယ်ဂိုက စပိန်ကနေ ကယ်လီဖိုးနီးယားကိုပြန်လာပြီး သူ့အဖေ သေရတဲ့အကြောင်း
ရင်းကို စုံစမ်းရင်းနဲ့ ဇောရိုးနေရာကို ဆက်ခံလိုက်ရပါတယ်။ ဇောရိုးအသစ်စက်
စက်အနေနဲ့ သူ့အဖေအတွက်လက်စားချေနိုင်မလား၊ နောက်ကွယ်က တရားခံတွေကို
ဖော်ထုတ်နိုင်မလားဆိုတာ ဆက်ကြည့်ရမှာပါပဲ။
(ဒီစီးရီးရဲ့ အညွှန်းနဲ့ဘာသာပြန် ရေးသားပေးသူကတော့ Mr.Anderson ဖြစ်ပါတယ်။)
Zorro is set in 1834 and follows Diego de la Vega, a young landowner with a personal vendetta who also masquerades as Zorro, a masked vigilante who defends California’s oppressed. He is determined to find out who killed his father, he will discover family secrets that will change his destiny forever.
