The Envoys: IMDb Rating – 7.1/10
ကမ္ဘာပေါ်မှာ သာမန်မြင်တွေ့နေကျနဲ့ ကွဲထွက်ပြီး တစ်မူထူးခြားစွာ
ဖြစ်ပေါ်နေတဲ့ ထူးဆန်းထွေလာတွေ အများကြီးပေါ်ပေါက်ဖူးပါတယ်။
အများစုကတော့ ဘာသာရေးနဲ့ရောယှက်နေကြတာပေါ့။ တောင်ပို့က
နေ နို့တွေထွက်တာမျိုးတို့၊ ရွှံ့အေးပွက်ထတာမျိုးတို့ပေါ့လေ။ ရှေးတုန်း
ကဆို နေကြတ်၊လကြတ်တာကိုတောင် တကယ့်”အံ့ဖွယ်ဖြစ်ရပ်ကြီး”
သဖွယ်ဖြစ်ခဲ့ကြတာကိုး။
ဆိုတော့ “အံ့ဖွယ်ဖြစ်ရပ်”ဆိုတာဘာလဲ။ ဒီစီးရီးထဲမှာတော့ သိပ္ပံပညာနဲ့
ရှင်းပြလို့မရတဲ့ ဖြစ်ရပ်တွေကိုသာ “အံ့ဖွယ်ဖြစ်ရပ်”လို့ သမုတ်ပါတယ်။
ကျွန်တော်တို့ရဲ့ဇာတ်လိုက် ဖာသာအန်တီကွီရာကတော့ “သိပ္ပံပညာဟာ
လွန်ခဲ့တဲ့နှစ်၂ထောင်ကျော်က အံ့ဖွယ်ဖြစ်ရပ်ဆိုတာတွေကို ဖြုတ်ချနိုင်ခဲ့
တဲ့အရာ”လို့ ဆိုပါတယ်။ ဇာတ်လမ်းလေးကတော့ ဆေးပညာကျွမ်းကျင်
တဲ့ ဖာသာဆလီးနက်စ်နဲ့ ဥပဒေပညာကျွမ်းကျင်တဲ့ ဖာသာအန်တီကွီရာ
တို့နှစ်ယောက် လူတွေ “အံ့ဖွယ်ဖြစ်ရပ်” လို့ဆိုကြတဲ့အရာတွေကို လိုက်လံ
စစ်ဆေးဖြေရှင်းကြပုံပါ။
ခေါင်းလောင်းမျှော်စင်ကနေ ခုန်ချပြီး အရိုးတွေကျိုးကြေကုန်လို့ ဆရာဝန်
ကတောင် သေပြီလို့ အတည်ပြုပြီးသားလူတစ်ယောက်က အကောင်းပက
တိပြန်ဖြစ်သွားတဲ့ပဟေဠိကတော့ ဇာတ်လိုက်ဖာသာနှစ်ယောက်ကို စတင်
သိကျွမ်းစေခဲ့တဲ့ ပထမဆုံးအမှုပါပဲ။ ဘာသာရေးခေါင်းစဉ်အောက်ဆွဲသွင်းခံ
ရတဲ့ ဖြစ်ရပ်တွေနဲ့ အဲဒီနောက်ကွယ်က အကြောင်းတရားတွေ၊ သိပ္ပံပညာနဲ့
ဖြေရှင်းလို့မရတဲ့”အံ့ဖွယ်ဖြစ်ရပ်”ဟုတ်လား၊မဟုတ်ဘူးလားဆိုတာကတော့
စီးရီးလေးထဲမှာပဲ ဆက်လက်ကြည့်ရှုလိုက်ကြပါဗျာ။
(ဒီစီးရီးရဲ့ အညွှန်းကို Ngwe Zin မှရေးသားပေးပြီး၊ ဘာသာပြန်
ရေးသားပေးသူများကတော့ CM Team မှ ဖြစ်ပါတယ်။)
‘Los Enviados’ tracks two priests on a mission to verify the whereabouts of an alleged healer who mysteriously disappears. The priests’ lives, as well as their faith, are pushed to the limit, however, when they discover the psychiatric community on the outskirts of town which is hiding secrets behind the missing healer.
