Sad Power: သေရွာပြန် စွမ်းအားရှင်များ (၂၀၂၄)

သိပ်မကြာသေးခင်က ဇာတ်သိမ်းသွားတဲ့ နှလုံးသားထဲကစောရဇာတ်ကားထဲက
ဖိုက်တာကိုကိုဂျက်ရဲ့ ဇာတ်လမ်းတွဲသစ်လေးကို ခုပဲ CM ချစ်ပရိသတ်တို့အတွက် တင်ဆက်ပေးလိုက်ပါပြီ။
ဒီကားလေးကတော့ ဒရာမာသီးသန့်မဟုတ်ဘဲ ကံဆိုးပြီး ဘတ်စ်ကားတိုက်ခံရပြီးနောက်မှာ
ရုတ်တရက် အစွမ်းကိုယ်စီရလာတဲ့ လူတစ်စုအကြောင်းကို ဟာသလေးနှောလို့ ရှုစားရမှာပါ။
အလုပ်မှာလည်းအဆင်မပြေ အမြဲမာန်မဲခံရ လူတကာက အထင်သေးတာခံရတဲ့
ယာဉ်နောက်လိုက်လေး အမောင်ထူဝါတစ်ယောက်ရဲ့ဘဝက ကောင်းကွက်ရယ်လို့ ခပ်ရှားရှားရယ်ပါ။
အလုပ်အကိုင်ဘာညာက ဆိုးရွားနေတော့ အချစ်ရေးကိုကြည့်ပြန်တော့လည်း
ကားအုံနာသမီးခွန်ကမ်းနဲ့ စပယ်ယာဘဝမလို့ ရွှေပြည်တော် မျှော်တိုင်းဝေးနေပြန်တာပေါ့။

ကံကဆိုးလှပါပြီဆိုမှ ဘတ်စ်ကားလိုက်ရင်း အဘွားအိုတစ်ယောက် ကလေးတစ်ယောက်နဲ့ ကိုယ်ဝန်သည်တစ်ယောက်ကို ဝင်တိုက်မိပြန်ပါသတဲ့။
အဲဒီလိုနဲ့ ကြောက်လန့်တကြားဆင်းကြည့်ချိန်မှာ တစ်ယောက်မှ အသက်မရှူကြတော့လို့ ကားဆရာဂျို့နဲ့ ထူဝါတို့ ခြေမကိုင်မီလက်မကိုင်မီဖြစ်နေတုန်း
ကားတိုက်ခံရတဲ့ ၃ ယောက်က ထူးထူးဆန်းဆန်း အသက်ပြန်ရှင်လာပြီး အကြောင်းကိုယ်စီ အစွမ်းကိုယ်စီနဲ့ ထူဝါအိမ်မှာ သောင်တင်ဖို့ဖြစ်လာချိန်မှာတော့….

ဒီတိုင်းဆို နီးစပ်ဖို့ဝေးနေတဲ့ ပရဟိတသမားလေးခွန်ကမ်းနဲ့ အနေနီးနိုင်ဖို့အတွက်
လောကကြီးကိုကယ်တင်ဖို့ သူတို့တွေစိတ်ပိုင်းဖြတ်လိုက်ချိန်မှာတော့ ဘာတွေဆက်ဖြစ်ကြမလဲ ရှုစားကြပါဦး။

အညွှန်းကိုတော့ Mary က ရေးထားပေးပြီးတော့
ဘာသာပြန်ထားတာကတော့ Mary, Char Ou, KHHZ, Trady, Khatter တို့ပဲ ဖြစ်ပါတယ်။