Lock-On Love: ပေါ့ပေါ့ပါးပါးပေမဲ့ နွေးနွေးထွေးထွေးနဲ့ ချစ်ဖို့ကောင်းတဲ့ ဂျပန်လူငယ်ကားလေးတစ်ကားနဲ့ မိတ်ဆက်ပေးချင်ပါတယ်။ဇာတ်လိုက်ကတော့ ပင်ကိုယ်ရူပကာ သနားကမားနဲ့ ကောင်မလေးတွေ ဝိုင်းသဘောကျကြတဲ့ အထက်တန်းကျောင်းသားလေးတစ်ဦးပဲဖြစ်ပါတယ်။ မွေးကတည်းကနေ အခုထက်ထိ ဘာမှထွေထွေထူးထူးမလုပ်ရပါဘဲ မျက်နှာမြင်ချစ်ခင်ပါစေဆိုတဲ့ဆုနဲ့ အော်တိုပြည့်နေသူမျိုးပေါ့။မိန်းကလေးတွေကြားရည်ပန်းစားနေတော့ သူ့ကိုယ်သူလည်း အချစ်ခံရတယ်ဆိုပြီး ဘဝင်လေဟပ်နေပေမဲ့ တစ်ရက်မှာ သူတို့အဖွဲ့ထဲက သာမန်ရုပ်ရည်နဲ့ သူငယ်ချင်းတစ်ယောက် ရည်းစားရသွားတော့မှ သူ့မှာ တကယ်တမ်း ချစ်သူရည်းစားကောင်မလေး တစ်ခါဆိုတစ်ခါမှ မရှိဖူးသေးဘူးဆိုတဲ့ အမှန်တရားကို သွားသတိထားမိလိုက်ပါတယ်။ ဟုတ်ပါတယ်၊ သူဟာ မိန်းကလေးတွေအဖို့ ချစ်စရာလေးဆိုပြီး ဝိုင်းဝိုင်းလည်နေပေမဲ့ အဲ့ဒီထက်မပိုတဲ့၊ ရည်းစားတော်ဖို့ကျ ဘယ်သူမှ မတွေးထားတဲ့ အလှကြည့်ယောကျ်ားသပ်သပ်သာဖြစ်နေခဲ့တာပါ။
အဲ့ဒီလိုနဲ့ သူဟာ ရည်းစားတစ်ယောက်တော့မဖြစ်မနေရှာမယ်လို့ အပိုင်ခဲပြီး ဘော်ဒါတွေအကူအညီနဲ့ သူကြိုက်တဲ့မိန်းကလေးကို လိုက်ရှာရင်းကနေ လှလည်းလှ တော်လည်းတော် သွေးလည်းကြီးတယ်လို့ နာမည်ကြီးတဲ့ မိန်းကလေးတစ်ယောက်ကို မျက်စိကျပြီး ဖွင့်ပြောလိုက်ရာက ချက်ချင်းအငြင်းခံလိုက်ရပြီး သူ့ရဲ့ ရှိစုမဲ့စု မာနလေးပါ ကုန်သွားပါတော့တယ်။ သူ့လိုလူကိုမှ ငြင်းရလားဆိုတဲ့ စိတ်နဲ့ ထပ်ဖန်ကြိုးစားရင်းက အဲ့ဒီမိန်းကလေးကို အတည်ချစ်မိသွားတဲ့နောက်မှာတော့…ကျောင်းသားအချစ်ကား ပေါ့ပေါ့ပါးပါးလေးလို့အလွယ်လေးပြောရင် ရပေမဲ့ အဲ့ဒီ့ထက်လည်းပိုပါတယ်၊ တစ်ဖက်က တံတိုင်းကြီးကာချိန် တစ်ဖက်က တံတားထိုးနေခဲ့သလိုပေါ့.. ။ လူသား ၂ယောက်ကြား တူညီတဲ့ မေတ္တာပေါက်ဖွားဖို့ဆိုတာ လွယ်တဲ့ကိစ္စမှလည်း မဟုတ်တာ။ လူတစ်ယောက်ဟာ ကိုယ်မဟုတ်တဲ့ တခြားလူတစ်ယောက်ကို အလုံးစုံနားလည်နိုင်ဖို့မဖြစ်နိုင်ဦးတောင် အကောင်းဆုံးလုပ်ပေးနိုင်တာတွေဟာတော့ လက်လှမ်းမီတဲ့နေရာတွေမှာ အမြဲရှိပါတယ်။ သူ့အတွက်ဆိုပြီး တွေးပေးနေသ၍ အားထုတ်မှုတိုင်းဟာ သေးငယ်တယ်ရယ်လို့ မရှိပါဘူး။ ချစ်ခြင်းမေတ္တာဟာ ကြာကြာနှပ်ထားတဲ့ ဟင်းတစ်ခွက်လိုပါပဲ.. အချိန်နဲ့ အားစိုက်မှုပေးလေလေ အရသာရှိတဲ့ အမယ်တစ်ခွက် ရလေလေပေါ့။အညွှန်းရေးသူကတော့ Zပါ။
Towa Furuya is a handsome high school student. Since he was little, he has always been surrounded by women. He believes that he is popular with women, but he has never had a girlfriend in his life. One day, Towa’s classmate tells him “you’re the type of guy where girls only look at.” Towa gets upset and states that he will make Misono Miwa his girlfriend. Misono is a beautiful girl and she is popular with guys, but she turns down their advances. Towa confesses his feelings to Misono, but she also turns him down. Towa doesn’t give up and his feelings get stronger for her. He discovers that she likes art teacher Takatsugu Masaki.
