Joan: IMDb 6.7, RT 80 % အသီးသီး ရရှိထားပြီး အဓိကဇာတ်ဆောင် မင်းသမီးချော Sophie Turner လည်း ချီးကျူးမှုတွေ ရရှိထားတဲ့ Joan ဆိုတဲ့ Mini Series လေးနဲ့ မိတ်ဆက်ပေးချင်ပါတယ်။ Sophie Turner နဲ့အတူ Fear the Walking Dead က မင်းသား Frank Dillane ကလည်း အတွဲညီစွာ ပါဝင် အားဖြည့်ထားပါသေးတယ်။
ဂျုန်းဆိုတဲ့ အသက် ၂၀ ကျော် အမျိုးသမီးဟာ ကယ်လီဆိုတဲ့ ခြောက်နှစ်အရွယ် ကလေးမလေးရဲ့ မိခင်တစ်ယောက်ပါ။ တစ်နေ့ဝောာ့ ငွေကိစ္စ အရှုပ်တွေ လုပ်ထားတဲ့ သူ့ရဲ့ယောက်ျားဖြစ်သူကြောင့် ဂျုန်းတို့ သားအမိဟာ နေအိမ်ကနေ ထွက်ပြေးလာခဲ့ရပါတယ်။
နေစရာမရှိ အလုပ်မရှိတဲ့အတွက် အတည်တကျ ပြန်နေနိုင်တဲ့အထိ ကြိုးစားဖို့ရာ ဂျုန်းဟာ သူ့သမီးလေး ကယ်လီကို ကလေးစောင့်ရှောက်ရေးတစ်ခုမှာ ယာယီအပ်နှံလိုက်ရပါတယ်။ ဒါပေမဲ့ ပြဿနာတွေ အဆင်မပြေမှုတွေက တစ်ခုပြီးတစ်ခု ဖြစ်လာပြီး ကလေးစောင့်ရှောက်ရေးကလည်း ဂျုန်းအနေနဲ့ သူ့သမီးကို သေချာကျွေးမွေးပြုစုနိုင်တဲ့ အခြေအနေကို မရောက်မချင်း ကလေးကို သူ့လက်ထဲ ပြန်မထည့်ဘူးလို့ ပြောလာပါတော့တယ်။
ဒီလိုအချိန်မှာ ဂျုန်းဟာ ဘွိုင်စီဆိုတဲ့ လူတစ်ယောက်နဲ့ ဆုံခဲ့ပြီး သူ့သမီးလေးကို ပြန်ခေါ်နိုင်ဖို့အရေး ဘွိုင်စီနဲ့ ပူးပေါင်းကာ တရားမဝင်တဲ့ မသမာမှုတွေကို လုပ်၊ ငွေရှာဖို့ ကြိုးစားပါတော့တယ်။
