Abang Adik: မလေးရှားဒါရိုက်တာ Jin Ongရဲ့ ပွဲဦးထွက်ကားသစ်ဖြစ်တဲ့ Abang Adikဟာ Golden Horse Awardsမှာ နိုမီ၇ခုဝင်ခဲ့ပြီး အကောင်းဆုံးသရုပ်ဆောင်ဆုကို ဒီရုပ်ရှင်က မင်းသား Wu Kang-renက ရရှိထားတဲ့ ပွဲဦးထွက်ပေမဲ့ ဘောင်ဝင်တန်းဝင်ကားပါပဲ။ ထိုင်ဝမ်လို ရုပ်ရှင်အဆင့်မြင့်တဲ့ နေရာမှာပြခဲ့ပြီး တော်တော်လည်း ဝင်ငွေကောင်းခဲ့တဲ့ ရုပ်ရှင်လည်းဟုတ်ပါတယ်။ ဒါရိုက်တာဖြစ်တဲ့ Jin Ong ကိုယ်တိုင်ပဲ ဒီရုပ်ရှင်အတွက် ဇာတ်ညွှန်းရေးသားခဲ့ပြီး သူလည်းပွဲဦးထွက်ကားနဲ့တင် တော်တော်ချီးကျူးခံလိုက်ရပါတယ်။ ဟောင်ကောင်မှာလည်း အောင်မြင်ခဲ့တဲ့ မလေးရှားရုပ်ရှင်ပါပဲ။ဇာတ်ကတော့ မလေးရှားက ခိုးဝင်တွေအကြောင်းကို အဓိကထား ဦးတည်ထားတယ်။ ဒီထဲက ခိုးဝင်ဆိုရာမှာ လူမျိုးပေါင်းစုံပါတယ်။ အိန္ဒိယ , တရုတ်, မြန်မာ အစုံပဲ။ အဓိကကတော့ မလေးရှားမှာမွေးလာခဲ့ရင်းနဲ့ကို မွေးစာရင်းမရှိ ဘာအထောက်အထားမှမရှိလို့ ခိုးဝင်စာရင်းဝင်သွားတဲ့ လူငယ်လေးနှစ်ယောက်အကြောင်းပေါ့။ သူတို့နှစ်ယောက်က ငယ်ငယ်ကတည်းက တစ်ယောက်အတွက် တစ်ယောက်ရှိပေးရင်း နေလာတာဆိုတော့ တစ်ယောက်ကို တစ်ယောက်သိပ်ချစ်ကြတယ်။ သူတို့အိပ်မက်က တရားဝင်နေနိုင်တဲ့လူတွေဖြစ်ဖို့ပေါ့။ ဒီအတွက်လည်း သူတို့ငွေ ငွေတွေရှာပြီး ကြိုးစားလုပ်ကြတယ်။ အဓိကမင်းသားကတော့ ဒီလိုဘဝရောက်နေတဲ့အပြင် နားလည်းမကြား စကားလည်းမပြောတတ်တော့ တော်တော်တော့ ခက်ခဲခဲ့တယ်။ သူကြိုက်နေတဲ့ မြန်မာမလေးကိုတောင် သူရဲရဲဖွင့်မပြောရဲတဲ့အထိ သူ့ဘဝကို သူသိမ်ငယ်နေခဲ့တယ်။ ဒီလိုဘဝကနေ ရုန်းထွက်ဖို့ တရားဝင်နေထိုင်သူဖြစ်လာအောင် သူကြိုးစားခဲ့ပေမဲ့ မထင်မှတ်ထားတဲ့ အရာတွေကြုံလာရာကနေ သူ့ဘဝကြီး ဇောတ်ထိုးမိုးမျှော်ဖြစ်သွားတာကို သူဘယ်လိုပြန်ကုစားမလဲ ကြည့်ရမယ့်ရုပ်ရှင်ပါပဲ။ဒီလိုကားတွေ တော်တော်တော့ ထွက်ဖူးပေမဲ့ ဒီကားက အရသာကတော့ သူ့ရှေ့က ထွက်ဖူးတဲ့ ဒီလိုခိုးဝင်ကားတွေနဲ့ နည်းနည်းတော့ကွဲထွက်နေပါတယ်။ နောက် ရုပ်ရှင်တစ်ကားမှာ ရှိသင့်တဲ့အချက်အလက်တွေလည်း သူ့မှာ လိုသလောက်တော့ ပါနေတယ်။ ဒါရိုက်တာက လက်သစ်ပေမဲ့ သူပြချင်တာကို ကောင်းကောင်းပြနိုင်ခဲ့တဲ့ ဒါရိုက်တာပါပဲ။ ဒါကြောင့်လည်း ဒီကားဟာ တော်တော်လည်းအောင်မြင်ခဲ့ပုံပါပဲ။ ထူးတာကတော့ ဒီလိုကားတွေကို စိတ်ညစ်စရာနည်းနည်းကောင်းလို ပုံမှန်ဆို ကျွန်တော်တော့ သိပ်သဘောမကျတတ်ပေမဲ့ ဒီရုပ်ရှင်မှာတော့ အဲဒီစိတ်ညစ်စရာတွေနဲ့ ဆွဲဆောင်မှုကို အချိုးကျကျသုံးထားတာမို့ ကြည့်လို့တော့ တော်တော်ကောင်းတဲ့ရုပ်ရှင်ပါပဲ
( ဘာသာပြန်ပြီး အညွှန်းရေးသားထားသူကတော့ WiRa Aung ပါ )
Abang and Adi are undocumented orphans in Malaysia. While the older brother who is deaf has resigned himself to a life of poverty, his younger sibling burns with indignation. A brutal accident upsets their relationship’s fragile balance.
