Aarya: ၂၀၂၀ခုနစ်က ထွက်ရှိခဲ့ပြီး အတွဲ(၁)နဲ့ရပ်နေခဲ့တဲ့ အာရ်ယာစီးရီးဟာဆိုရင်
၂၀၂၃ နိုဝင်ဘာလကပဲ အတွဲ(၂) နဲ့ အတွဲ(သုံး)ကို တစ်ပြိုင်နက်ထုတ်လွှင့်သွားခဲ့ပါတယ်။
ဘောလိ၀ုဒ်ရဲ့ ထိပ်တန်းမင်းသမီးတစ်လက်ဖြစ်တဲ့ မင်းသမီးကြီး ဆူရှ်မီတာဆန်က
အဓိကပါဝင်သရုပ်ဆောင်ထားပါတယ်။
အာရ်ယာက ခင်ပွန်းဖြစ်သူတက်ဂျ်နဲ့အတူ သားနှစ်ယောက်၊ သမီးတစ်ယောက်နဲ့ ပျော်ရွှင်တဲ့မိသားစုလေးကို ပိုင်ဆိုင်ထားပါတယ်။
တက်ဂျ်ကလည်း အာရ်ယာရဲ့အဖေ ဇိုရာဝါ မောင်ဖြစ်သူ ဆန်နန်ဂမ်တို့နဲ့အတူတူ
ဒိုးတူပေါင်ဖက် စီးပွားရေးလုပ်နေတော့ ပျော်ရွှင်တဲ့အသိုင်းအဝိုင်းတစ်ခုမှာ အာရ်ယာနေထိုင်ခဲ့ရပါတယ်။
တကယ်တော့ သူတို့လုပ်ကိုင်နေတဲ့စီးပွားရေးက ရှေ့မှာ ဆေးဝါးကုမ္ပဏီကို ဗန်းပြပြီး
နောက်ကွယ်မှာတော့ မူးယစ်ဆေးတွေဖြန့်ချိနေတာပါ။
တစ်ရက်မှာတော့ မူးယစ်ရာဇာကြီး ရှက်ခါဝဒ်ရဲ့ ဘိန်းဖြူသန်းသုံးရာဖိုး အဖြောင်ခံလိုက်ပါတယ်။
အဲဒီဘိန်းဖြူတွေကို ဖြောင်သွားတာက အာရ်ယာရဲ့ခင်ပွန်းဖြစ်သူ တက်ဂျ်ပဲလုပ်တာလား
မောင်ဖြစ်သူ ဆန်နန်ဂမ်ကပဲလုပ်တာလားဆိုတဲ့ သံသယတွေနဲ့အတူ တက်ဂျ်တစ်ယောက် အသတ်ခံလိုက်ရပါတော့တယ်။
အဲဒီကနေစလို့ အာရ်ယာတစ်ယောက် ဒီလိုမူးယစ်မာဖီးယားဂိုဏ်းတွေနဲ့ပတ်သက်နေမှုကနေ ထွက်ပြေးလွတ်မြောက်နိုင်မှာလား။
ယောကျ်ားဖြစ်သူကိုရော ဘယ်သူက သတ်သွားတာလဲဆိုတာကို စုံစမ်းရင်းအဖြေရှာနိုင်မှာလား။
သူကြုံလာရတဲ့ဒုက္ခတွေကို သန်သန်မာမာနဲ့ ပြန်လည်တိုက်ခိုက်သွားမှာကို မြင်တွေ့ကြရမှာပါ။
(အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်)
A compelling story of a family, friends, foes and police in Indian drug industry. While one partner wants to get out, the others want a bigger slice of pie. In the chaos that ensues, its difficult to make out a friend from a foe. Can Aarya rise to the occasion? Written by aparsinghbataan
