Great Expectations: ချားလ်ဒစ်ကင်းရဲ့ Great Expectations ကို ရွှေဥဒေါင်းက ဘာသာပြန်ခဲ့ပြီး ၁၉၅၀ မှာ ဘာသာပြန်စာပေဗိမာန်ဆုရခဲ့တဲ့ ” မျှော်တလင့်လင့် ” ဆိုတဲ့စာအုပ်ကို စာသမားတော်တော်များများသိကြမှာပါ။ ဒစ်ကင်းဟာ ဒီကလူတွေရော တစ်ကမ္ဘာလုံးကလူတွေပါ ရင်းနီးပြီးသားဖြစ်တဲ့ ခရစ္စမတ်မာစတာပိစ် A Christmas Carol အပြင် Oliver Twist နဲ့ David Copperfield တို့လို စာတွေကို ရေးသားခဲ့တဲ့ ဂန္ထဝင်ကမ္ဘာကျော် စာရေးဆရာဆိုတာ အားလုံးအသိပါပဲ။ Great Expectations ဟာလည်း သူ့ရဲ့အကောင်းဆုံး စာအုပ်ထဲပါပြီး ခဏခဏရုပ်ရှင်ပြန်ရိုက်ခံရတဲ့ ဇာတ်လမ်းဆိုလည်း မမှားပါဘူး။ ဒီတစ်ခါဇာတ်လမ်းကိုတော့ Olivia Colman လို အော်စကာဆုရှင်မင်းသမီးကြီးနဲ့ နိုလန်ရဲ့ Dunkirk လိုကားမျိုးမှာ ဝင်သရုပ်ဆောင်ဖူးခဲ့တဲ့ Fionn Whitehead တို့က သရုပ်ဆောင်ထားပါတယ်။
ဇာတ်ကတော့ မိဘတွေသေသွားပြီး ဇနပုဒ်ကလေးမှာ အစ်မနဲ့ ပန်းပဲလုပ်တဲ့ ယောက်ဖနဲ့အတူ ပန်းပဲလုပ်စားနေရတဲ့ ကောင်လေးတစ်ယောက်အပေါ် အခြေပြုထားတယ်။ သူက ဒီထက်မြင့်တဲ့အရပ်ဆီ ပျံတက်ဖို့ ကြံရည်ရွယ်ထားတဲ့လူ။ တစ်နေ့ သူ မထင်မှတ်ထားတဲ့ ကံကြမ္မာနဲ့ပက်ပင်းတိုးပြီး ဆင်းရဲသားဘဝကနေ လူကြီးလူကောင်းဘဝကို ကူးနိုင်အောင် လုပ်ပေးမယ့် လှေကားထစ်တွေပေါ် ဖြတ်သန်းရဖို့ အကြောင်းဖန်လာတယ်။ ဒီလိုနဲ့ အဲဒီလှေကားထစ်တွေပေါ် သူလျှောက်ကြည့်တော့ သူထင်သလောက် မလွယ်နေမှန်း သိလိုက်ရတဲ့အခါ…
(ဒီစီးရီးကို အညွှန်းရေးသား ဘာသာပြန်ပေးသူကတော့ W ပဲဖြစ်ပါတယ်)
Pip, an orphan who yearns for a greater lot in life, until a twist of fate and the evil machinations of the mysterious and eccentric Miss Havisham shows him a dark world of possibilities. Under the great expectations placed upon him, Pip will have to work out the true cost of this new world and whether it will truly make him the man he wishes to be.
