Dragons of Wonderhatch: Mackenyu ရဲ့ နောက်ဆုံးထွက် ဒစ္စနေးပလက် ဂျပန်ဇာတ်လမ်းတွဲအသစ်ပါ။ ဇာတ်လမ်းလည်းဆန်းသလို တင်ဆက်ပုံကလည်း အန်နီမေးရှင်းတစ်ဝက်ရောပြီး တင်ဆက်ထားတာမို့ အင်တာမှာတော့ လူကြိုက်များနေပါတယ်။
ဇာတ်လမ်းက ကမ္ဘာနှစ်ခုမှာတည်ထားတယ်။ တစ်ခုက ကျွန်တော်တို့ကမ္ဘာ။ နောက်တစ်ခုကတော့ နဂါးတွေရှိတဲ့ကမ္ဘာ။ ကျွန်တော်တို့ကမ္ဘာဘက်ကို ပြတာကတော့ ကျောင်းဒရာမာဆန်ဆန်လေး ပြထားတယ်။ ဒီကမ္ဘာဘက်က အဓိကဇာတ်ကောင်ကလည်း ကျောင်းသူကိုး။ သူ့အမေက မန်ဂါဇာတ်လမ်းတွေရေးတဲ့ စာရေးဆရာမ။ ဇာတ်လမ်းစစမှာတင် ကောင်မလေးက စာမေးပွဲဖြေနေရင်း စာသင်ခန်းထဲ ရုတ်တရက်ကြီး မေ့လဲသွားတယ်။ ကျောင်းဆေးပေးခန်းရောက်သွားတယ်။ အဲဒီမှာပဲ သူမေ့လဲသွားတဲ့အချိန် သူ့စိတ်ကူးထဲမြင်နေရတဲ့ ကမ္ဘာကို ဆက်ပြတယ်။
ဒီဘက်ကမ္ဘာကိုတော့ လူတွေနဲ့ ရိုက်ပြရင် စီဂျီအိုင်ဖိုးနဲ့ မွဲမစိုးလို့လား ဒါမှမဟုတ် ပုံစံသစ်နဲ့ပြချင်လို့ပဲလားမသိ။ ဒီဘက်ကမ္ဘာကိုရောက်သွားရင် အန်နီမေးရှင်းနဲ့ပြောင်းပြတယ်။ ဒီဘက်ကမ္ဘာက ပျက်တော့မယ့်လုဆဲဆဲကမ္ဘာ။ ကမ္ဘာကိုဖျက်နေတဲ့ ဗီလိန်ရှိတယ်။ သူ့ကိုတားမယ့် သူရဲကောင်းတွေလည်း ရှိတယ်။ ဒါပေမဲ့ အားမမျှတော့ နိုင်တော့မနိုင်နေဘူး။ အဲဒီသူရဲကောင်းတွေက နဂါးစီးသူရဲကောင်းတွေ။ ဒီလိုနဂါးကို စီးနိုင်ဖို့ဆိုတာကလည်း သာမန်လူတွေမကြားရတဲ့ နဂါးရဲ့အသံကို ကြားနိုင်တဲ့လူတွေဖြစ်ဖို့လိုတယ်။ အဲဒီကမ္ဘာရဲ့ သူရဲကောင်းတွေထဲက အတော်ဆုံးက အက်သာ။ အားလုံးက သူ့ကို သူတို့ကမ္ဘာကိုကယ်တင်နိုင်မယ့် မျှော်လင့်ချက်လို့မြင်ကြတယ်။
အက်သာရဲ့သူငယ်ချင်း သိမ်းကတော့ စီးတဲ့နဂါးကလည်း ပေါက်စလေး။ သူကလည်း နဂါးရဲ့အသံကိုမကြားရဘူး။ သူ့ကို အက်သာ ကယ်ရတာလည်း ခဏခဏပဲ။ ဒီလိုနဲ့ သိမ်းကိုကယ်ရင်း အက်သာက ဗီလိန်အစွမ်းနဲ့မိပြီး ဒီဘက်ကမ္ဘာကိုရောက်လာတယ်။ နိမိတ်တွေအရလည်း သူတို့ကမ္ဘာကို ကယ်တင်နိုင်တဲ့အရာက သူတို့ကမ္ဘာအပြင်ဘက်မှာရှိနေတာဆိုတော့ အက်သာဒီကိုရောက်လာတာက အကြောင်းမဲ့တော့မဟုတ်တန်ဘူး။ ဒီဘက်ကမ္ဘာက စာရေးဆရာမသမီး ကောင်မလေးကလည်း သူမေ့လဲနေတာတွေက သူ့အမေ စာရေးဆရာမ မသေခင် ဖြစ်ခဲ့တဲ့လက္ခဏာတွေဆိုတာ သိလာတယ်။ ဒီလိုနဲ့ ကမ္ဘာနှစ်ခုကို ပေါင်းကူးထားတဲ့ ကောင်မလေးရယ်။ ကမ္ဘာမှား ရောက်လာကြသူတွေရယ် ဆုံတွေ့ပြီး ဘယ်ကမ္ဘာမှာ ဘာတွေဆက်ဖြစ်ဦးမလဲ လတ်တလောတော့ မသိနိုင်သေးပေမဲ့ ဆက်စောင့်ကြည့်ရမယ့် စီးရီးကောင်းပါပဲ။
ဇာတ်လမ်းရဲ့ အန်နမဲဘက်ခြမ်းက အန်နမဲဆန်သလို ဒီကမ္ဘာဘက်က ဇာတ်လမ်းမှာလည်း ဟိုဘက်ကကောင်တွေပါလာတော့ စီဂျီအိုင်တွေသုံးပြီး နဂါးတွေဘာတွေထည့်ကြဦးမှာမို့လို့ LA အရသာကိုရော Anime အရသာကိုရော တစ်ပေါင်းတည်းပေးမယ့် ဂျပန်ဇာတ်လမ်းတွဲအသစ်ပါပဲ။ မန်ဂါတို့ အန်နမဲတို့ကို LA ပြန်ရိုက်တာတော့မဟုတ်ပါဘူး။ သူ့ကိုယ်ပိုင်ဇာတ်လမ်းကို ဒီလိုပုံနဲ့ပြထားတာပါပဲ။ အန်နမဲကမ္ဘာရဲ့ Final Fantasy ဆန်ဆန် စွန့်စားခန်းဇာတ်လမ်းကို ဒီဘက်ကမ္ဘာက လူတွေနဲ့ ဘယ်လိုချိတ်ဆက်ပြမလဲ နောက်ထပ်အပိုင်းတွေမှာ မြင်ရဦးမှာပါ။ စုစုပေါင်း ၈ပိုင်းထွက်သွားမှာပါ။ စွန့်စားခန်းဇာတ်လမ်းတွေ တောင့်တနေတဲ့လူတွေအတွက်တော့ ရွှေဖြစ်ပါလိမ့်မယ်။
Follows Nagi, a girl in the “real world” who has spent her life feeling like she doesn’t belong. Dreaming of one day being able to fly, Nagi will come face to face with Thaim, another misfit from the animated world of Upananta who has long been made fun of for his inability to hear the voices of the dragons that inhabit his land. With the floating islands of Upananta slowly beginning to fall from the sky, the two misfits will set off on an epic adventure spanning both live-action and animated worlds.
