Sakla Beni:
အပိုင်းသစ်( ၄၃/၄၄)
(A/Bတွေဖြစ်နေတော့ရှုတ်နေလို့ အပိုင်း15Bပြီးတဲ့အပိုင်းကစပြီး EP31ဖြစ်ပါ့မယ်…
တစ်ဆက်တည်းဖြစ်ပါတယ် မျက်စိနောက်မသွားကြပါနဲ့)
တစ်ချို့ဇာတ်လမ်းတွဲတွေဟာ လူ့ကျင့်ဝတ်ဖောက်ပြားတာတွေကို
နည်းမျိုးစုံနဲ့ရိုက်ပြကြပါတယ်…တစ်ချို့ဆို ဖြစ်တောင်ဖြစ်နိုင်ပါ့မလားဆိုပြီးတွေးရလောက်အောင်
ဆိုးဝါးတဲ့ လူမှုရေးဖောက်ပြန်မှုတွေကို ရိုက်ကူးပြသထားပါတယ်…သို့ပေမဲ့ လူတွေဟာ ဒီလိုလောင်မြိုက်
ရတဲ့စီးရီးတွေကိုဘာလို့သဘောကျလဲဆိုတော့ ကျွန်မတို့လက်တွေ့ဘဝမှာလည်း ဒီလိုပျက်ပြားတဲ့
ဖြစ်စဉ်မျိုးတွေတွေ့ကြုံနေရလို့ပါပဲ…ဒီလို ဇာတ်အိမ်မျိုးနဲ့ တူရကီစီးရီးသစ်တစ်ခုထွက်ရှိလာလို့
ရွေပန်းကောင်လေးထက်ပိုပြီး လောင်ရမယ့်စီးရီးတစ်ခုထပ်တင်ပေးလိုက်ပါပြီ။
ဒီစီးရီးက တူရကီမှာ အခုမှထုတ်လွှင့်နေဆဲဖြစ်ပြီးတော့ လူကြိုက်များနေတဲ့စီးရီးဖြစ်တဲ့အတွက်
CM က ဘာသာပြန်တင်ဆက်ပေးလိုက်ရပါတယ်။
မက်တဲနဲ့ နက်ဟာ လူကုံထံမိသားစုကနေ ရွေဇွန်းကိုက်မွေးဖွားလာတဲ့သူတွေဖြစ်ပါတယ်။
ကလေးဘဝတည်းက သူတို့နှစ်ယောက်ကို မိသားစုနှစ်ခုက ကြီးလာရင် လက်ထပ်ပေးဖို့စီစဥ်ပေးထားတာပါ။
သူတို့အရွယ်ရောက်လာကြတဲ့အခါ နိုင်ငံခြားမှာပညာသင်နေတဲ့ မတ်တဲဟာ နက်နဲ့လက်ထပ်ဖို့ သူ့ရဲ့မြို့ကိုပြန်လာခဲ့ပါတယ်။
နက်က အိမ်ရဲ့သခင်မလေးဆိုတော့ ထုံးစံအတိုင်း မောက်မာပြီးတော့ နိုင်ထက်စီးနင်းဆက်ဆံတတ်ပါတယ်။
သူအနိုင်ကျင့်တာကို အခံရဆုံးက အစေခံမလေး အိန်ဂျလာပါပဲ။
အိန်ဂျလာဟာ နက်နဲ့ရွယ်တူဖြစ်ပြီးတော့ ငယ်ငယ်ကတည်းက သူ့အဒေါ်နဲ့အတူ နက်တို့အိမ်ကိုရောက်လာပြီး
နက်ရဲ့ကိုယ်ပိုင်အခိုင်းအစေလိုမျိုးဖြစ်လာတာပါ။
ဇာတ်က သုံးပင်လိမ်ချင်တော့ အိန်ဂျလာဟာ ငယ်ငယ်ကတည်းက မတ်တဲနဲ့တွေ့ခဲ့ဖူးပြီး
မတ်တဲကိုကြိတ်သဘောကျနေခဲ့ပါတယ်။ နိုင်ငံခြားကနေ နက်နဲ့လက်ထပ်ဖို့လာတဲ့ မတ်တဲကလည်း
နက်နဲ့မတွေ့ခင် အိန်ဂျလာနဲ့အရင်တွေ့ပြီး အိန်ဂျလာကို စိတ်ဝင်စားမိသွားပါတော့တယ်။
တူရကီစီးရီးတွေရဲ့ထုံးစံအတိုင်း မင်းသမီးတွေရဲ့အလှအပကို တစ်ဝကြီးခံစားရပြီးတော့
ဇာတ်အလှည့်အပြောင်းတွေကလည်း ဟာခနဲဟင်ခနဲဖြစ်စေမှာမလို့ သုံးပွင့်ဆိုင်အချစ်ဇာတ်လမ်းကို
အလောင်တလိုင်းနဲ့ လိုက်ပါစီးမျောလိုက်ကြပါဦးရှင်။
တူရီကီတွေက ဇာတ်လမ်းတွဲပိုင်းမှာ အတော်ပိုင်နိုင်ကြပါတယ်…ဖြစ်နိုင်ရင်တော့ သွားပြီး စမကြည့်သင့်ဘူးလို့ပဲ
ပြောချင်ပါတယ်…
တစ်ပတ်မှတစ်ပိုင်းထွက်ရှိမှာဖြစ်ပြီး CMအနေနဲ့EP1(A)/(B) ဆိုပြီး ၂ခုခွဲတင်ပေးသွားမှာဖြစ်ပါတယ်…
